Lord Krishna's Cradle and Feet in Rangoli/ಕೃಷ್ಣನ ತೊಟ್ಟಿಲು, ಪಾದದ ರಂಗೋಲಿ

"ಓದುಗರೆಲ್ಲರಿಗೂ ಕೃಷ್ಣ ಜನ್ಮಾಷ್ಟಮಿಯ ಹಾರ್ದಿಕ ಶುಭಾಶಯಗಳು"

ಓದುಗರೊಬ್ಬರು ಕೃಷ್ಣನ ತೊಟ್ಟಿಲು ಹಾಗು ಪಾದದ ರಂಗೋಲಿ ಹೇಗೆ ಬರೆಯುವುಸು ಅಂತ ಕೇಳಿದ್ದರು. ನಾನು online ಹುಡುಕಿದಾಗ ಈ ಚಿತ್ರಗಳು ಸಿಕ್ಕಿವೆ. ಇವುಗಳ link ಗಳನ್ನೂ ಕೆಳಗೆ ಕೊಟ್ಟಿದ್ದೀನಿ.
ಕೃಷ್ಣ ಜನ್ಮಾಷ್ಟಮಿ ಹಬ್ಬದ ಬಗ್ಗೆ ಹೆಚ್ಚು ವಿವರ ಇಲ್ಲಿದೆ.

http://www.ikolam.com

http://mykolam.blogspot.com/2009/08/krishnas-cradle.html

http://simpleindianfood.blogspot.com/2008/08/ganesh-chaturthi-naivedyam.html

http://theyumblog.wordpress.com/2007/09/04/krishnas-feet-for-srijayanthi/

http://sukanya-keralaiyer.blogspot.com/2008/08/gokulashtami-and-appams.html

Ashtadala Padma Rangoli / ಅಷ್ಟದಳ ಪದ್ಮ ರಂಗೋಲಿ

ಓದುಗರೊಬ್ಬರು ಅಷ್ಟದಳ ಪದ್ಮ ರಂಗೋಲಿ ಹೇಗೆ ಬರೆಯುವುದು ಅಂತ ಕೇಳಿದ್ದಾರೆ. ಅವರಿಗಾಗಿ ಈ ರಂಗೋಲಿ ಚಿತ್ರ. ಅಷ್ಟ - ೮, ದಳ - petal, ಪದ್ಮ - ಕಮಲ.[Lotus with 8 petals] ಲಕ್ಷ್ಮಿ ದೇವಿಯು ಕಮಲದಲ್ಲಿ ಆಸಿನವಾಗಿರುತ್ತಾಳೆ. ಹೀಗಾಗಿ ಈ ಅಷ್ಟದಳ ಪದ್ಮವನ್ನು ಲಕ್ಷ್ಮಿ ಪೂಜೆಯಲ್ಲಿ ಬರೆಯುವುದು ಸಾಮಾನ್ಯ. ಅದಲ್ಲದೆ ಬೇರೆ ಬೇರೆ ವ್ರತ ಪೂಜೆಗಳಲ್ಲು ಈ ರಂಗೋಲಿ ಬರೆದು, ಅದರ ಮೇಲೆ ದೇವರರನ್ನು ಸ್ಥಾಪಿಸುತ್ತೀವಿ.ಈ ರಂಗೋಲಿ ಬರೆಯಲು ಬಹಳ ಸುಲಭ. ಕೆಳಗಿನ ಚಿತ್ರದಲ್ಲಿ ವಿವರ ಇದೆ. ದೊಡ್ಡದಾಗಿ ಮಾಡಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ.


1.Draw 5 lines of dots with 3, 5, 5, 5, 3 dots respectively.[Pic1]
2.Draw 4 black lines within the inside 3X3 dots.[Pic2]
3.Draw 2 green lines in L shape from the tip of the 4 black lines.[Pic3]
4.Draw 2 red lines in V shape connecting the green and black lines.[Pic4]
5.Draw circles around the 4 remaining dots.[Pic5]
6. Color the rangoli as you wish.[Pic6]

Ugadi 2009, Hindu Almanac / Panchanga / ಯುಗಾದಿ ಹಬ್ಬ , ಹಿಂದೂ ಪಂಚಾಂಗದ ವಿವರ

ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು. ಈ ವರ್ಷ ಯುಗಾದಿ ಹಬ್ಬ 27 March 2009 ದಿನ ಬಂದಿದೆ.ಹೋದ ವರ್ಷ ಯುಗಾದಿ ಹಬ್ಬದ ಆಚರಣೆ ಬಗ್ಗೆ ಬರೆದಿದ್ದೀನಿ. ಅದನ್ನು ಇಲ್ಲಿ ಓದಬಹುದು. ಈ ವರ್ಷ ಹಿಂದೂ ಪಂಚಾಂಗ ಬಗ್ಗೆ ಸ್ವಲ್ಪ ವಿವರ ಬರೆಯೋಣ ಅಂತ ಅನ್ನಿಸಿತು.
ಯುಗಾದಿ ಹಬ್ಬ ಅಂದರೆ ಹೊಸ ವರ್ಷದ ಪಂಚಾಂಗ ನೆನಪಾಗುತ್ತದೆ. ಹಬ್ಬ ಹರಿದಿನ, ಪೂಜೆ, ವ್ರತ, ಗ್ರಹಣ, ಮುಹೂರ್ತಗಳು ಇವುಗಳ ವಿವರ ಪಂಚಂಗದಲ್ಲಿದೆ. ಕನ್ನಡಿಗರು ಅನುಸರಿಸುವುದು ಚಂದ್ರಮಾನ ಪಂಚಾಂಗ. ಇದರಲ್ಲಿ ಚಂದ್ರನ ಚಲನೆಯನ್ನು ಆಧರಿಸಿ ದಿನ, ಪಕ್ಷ, ಮಾಸ, ವರ್ಷವನ್ನು ಲೆಕ್ಕಹಾಕುತ್ತಾರೆ. 1 ವರ್ಷಕ್ಕೆ ಸಂವತ್ಸರವೆನ್ನುತ್ತಾರೆ. ಒಟ್ಟು 60 ಸಂವತ್ಸರ ಇದೆ. ಅವುಗಳ ಹೆಸರು ಕೆಳಗಿನ ಚಿತ್ರದಲ್ಲಿದೆ.

1 ಸಂವತ್ಸರದಲ್ಲಿ 12 ಮಾಸ ಇದೆ. 6 ಋತುಗಳು ಇದೆ. ಒಂದು ಋತುವಿನ ಅವಧಿ 2 ಮಾಸಗಳು. ಒಂದು ಮಾಸದಲ್ಲಿ 2 ಪಕ್ಷ ಇದೆ. ಒಂದು ಪಕ್ಷದಲ್ಲಿ 15 ತಿಥಿಗಳಿವೆ. ಒಂದು ಮಾಸದಲ್ಲಿ ಒಟ್ಟು 30 ತಿಥಿಗಳು. ಮೊದಲು 15 ತಿಥಿಗಳಿಗೆ (ಪಾಡ್ಯದಿಂದ ಪೂರ್ಣಿಮಾ ವರೆಗೆ) ಶುಕ್ಲ ಪಕ್ಷ ಅಂತ ಹೆಸರು , ಮುಂದಿನ ೧೫ ತಿಥಿಗಳಿಗೆ (ಪಾಡ್ಯದಿಂದ ಅಮಾವಾಸ್ಯೆ ವರಗೆ) ಕೃಷ್ಣ ಪಕ್ಷ ಅಂತ ಹೆಸರು.

	ಮಾಸಗಳು - 12			ಋತುಗಳು - 6
1.	ಚೈತ್ರ	2.	ವೈಶಾಖ	ವಸಂತ ಋತು
3.	ಜ್ಯೇಷ್ಠ	4.	ಆಷಾಢ	ಗ್ರೀಷ್ಮ ಋತು
5.	ಶ್ರಾವಣ	6.	ಭಾದ್ರಪದ	ವರ್ಷ ಋತು
7.	ಆಶ್ವಯುಜ	8.	ಕಾರ್ತಿಕ	ಶರದ್ ಋತು
9.	ಮಾರ್ಗಶಿರ	10.	ಪುಷ್ಯ	ಹಿಮಂತ ಋತು
11.	ಮಾಘ	12.	ಫಾಲ್ಗುಣ	ಶಿಶಿರ ಋತು

ಪಂಚಾಂಗ ಅಂದರೆ 5 ಅಂಗಗಳು - ತಿಥಿ, ವಾರ, ನಕ್ಷತ್ರ, ಯೋಗ, ಕರಣ. ತಿಥಿಗಳು - 30, ವಾರಗಳು - 7, ನಕ್ಷತ್ರಗಳು - 27, ಯೋಗಗಳು - 27, ಕಾರಣಗಳು -11. ಇವುಗಳು ಹೆಸರುಗಳು ಕೆಳಗಿದೆ.ದೊಡ್ಡದಾಗಿ ಮಾಡಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ.

ನಮ್ಮ ಮನೆಯಲ್ಲಿ ಒಂಟಿಕೊಪ್ಪಲ್ ಪಂಚಾಂಗವನ್ನು ಅನುಸರಿಸುತ್ತೀವಿ. ಈಗ ಅಮೆರಿಕದಲ್ಲಿ ಇರುವವರಿಗೆ ಸಹಾಯವಾಗುವಂತೆ "America Samyukta Samsthanada Panchanga"(NRI Vontikoppal Panchanga) ಅನ್ನು ಪ್ರಕಟಿಸುತ್ತಾರೆ. ಇದರಲ್ಲಿ ಅಮೇರಿಕಾದ latitudes & longitudes ಪ್ರಕಾರ ಲೆಕ್ಕಾಚಾರ ಮಾಡಿ ಬರೆದಿದ್ದಾರೆ. ಕನ್ನಡ ಮತ್ತು ಇಂಗ್ಲಿಷ್ ಎರಡರಲ್ಲೂ ಬರೆದಿದ್ದಾರೆ. ನನ್ನಂತಹ ಅನಿವಾಸಿ ಕನ್ನಡಿಗರಿಗೆ ಇದು ಬಹಳ ಅನುಕೂಲಕರವಾಗಿದೆ. thatskannada ದಲ್ಲಿ NRI panchanga ದ ಬಗ್ಗೆ ಮಾಹಿತಿ ಇದೆ. ಅಮೇರಿಕಾದಲ್ಲಿ ಪಂಚಾಂಗ ಬೇಕೆನ್ನುವವರು Krishna Sastry, Iowa, USA - ಇವರನ್ನು ಸಂಪರ್ಕಿಸಿ ಅಂತ ಬರೆದಿದ್ದಾರೆ. ಇದು 2003 ರಲ್ಲಿ ಹಾಕಿರುವ ಮಾಹಿತಿ, ಸಧ್ಯದ ಸಮಾಚಾರ ಗೊತ್ತಿಲ್ಲ. check this thatskannada link for contact details. ನಾನು ಇವರನ್ನು ಸಂಪರ್ಕಿಸಿಲ್ಲ, ನಾನು ಪಂಚಾಂಗವನ್ನು ಬೆಂಗಳೂರಿನಿಂದಲೇ ತರಿಸಿಕೊಳ್ಳುತ್ತಿದ್ದೀನಿ. ನಿಮಗೆ ಪಂಚಾಂಗ ಸಿಗದೇ ಇದ್ದರೆ, ನನ್ನ ಬ್ಲಾಗಿಗೆ ಬನ್ನಿ ಯಾವ ಹಬ್ಬ ಯಾವತ್ತು ಇದೆ ಅಂತ ನಾನು ಇಲ್ಲಿ ಹಾಕುತ್ತೀನಿ :)

ಈ ಹೊಸ ವರ್ಷ ನಿಮ್ಮೆಲ್ಲರಿಗೆ ಸಂತಸ ತರಲಿ ಅಂತ ಆಶಿಸುತ್ತೀನಿ:)

Related Link:

• Ugadi festival celebration / ಯುಗಾದಿ ಹಬ್ಬದ ಆಚರಣೆ

Navagraha Dhanya & Mandala / ನವಗ್ರಹ ಧಾನ್ಯಗಳು +ಮಂಡಲ

ನವಗ್ರಹ ಧಾನ್ಯಗಳನ್ನು ನವಗ್ರಹ ಹೋಮ/ಶಾಂತಿ , ಸತ್ಯನಾರಾಯಣ ಪೂಜೆಗಳಲ್ಲಿ ಉಪಯೋಗಿಸುತ್ತಾರೆ. ಕೆಳಗೆ ನವ ಧಾನ್ಯಗಳ ಹೆಸರು, ಯಾವ ಗ್ರಹಕ್ಕೆ ಯಾವ ಧಾನ್ಯ, ಯಾವ ದಿಕ್ಕಿಗೆ ಯಾವ ಧಾನ್ಯ ಇಡಬೇಕು ಎಂಬ ವಿವರಗಳಿವೆ.
ದೊಡ್ಡದಾಗಿ ಮಾಡಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ.



ನವಗ್ರಹ ಧಾನ್ಯಗಳು / navagraha dhaanya /grains / seeds

1. ಕಡಲೆ ಕಾಳು - Bengal gram (black Chickpeas)(North)
2. ಉದ್ದಿನ ಕಾಳು - whole urad dal / black gram(SouthWest)
3. ಹೆಸರು ಕಾಳು - Green gram/ whole moong bean(NorthEast)
4. ಹುರಳಿ ಕಾಳು - Horse gram(NorthWest)
5. ತೊಗರಿ ಬೆಳೆ - Toor Dal(South)
6. ಭತ್ತ - Rice grain with husk (SouthEast)
7. ಗೋಧಿ - wheat grain (Center)
8. ಎಳ್ಳು - Black Sesame seeds (West)
9. ಅವರೇಕಾಳು - Indian Flat beans/AvarekaaLu/Papdi lilva (East)
10. ಬಟ್ಟಲು ಅಡಿಕೆ - Betel Nut /Arecanut (North East)
11. ಬೆಲ್ಲದ ಅಚ್ಚು - 1 Jaggery Block/Mould /Jaggery square (North East)

ನವಗ್ರಹ ಮಂಡಲ
ದಿಕ್ಕು / Direction
1. ಪೂರ್ವ - East
2. ಪಶ್ಚಿಮ - West
3. ಉತ್ತರ - North
4. ದಕ್ಷಿಣ - South
5. ವಾಯವ್ಯ - North West
6. ಈಶಾನ್ಯ - North East
7. ನೈಋತ್ಯ - South West
8. ಆಗ್ನೇಯ - South East
Related Links: Satyanarayana Pooja Vidhana

Pooja Items / Accessories / ಪೂಜಾ ಸಾಮಾಗ್ರಿ

ಪೂಜೆ ಶುರು ಮಾಡುವ ಮುನ್ನ , ಅಲಂಕಾರ, ಅಣಿ ಮಾಡಿಕೊಳ್ಳಕ್ಕೆ ಸುಮಾರು ಹೊತ್ತು ಆಗುತ್ತೆ. ಪೂಜೆ ಅಂದರೆ ಎಷ್ಟೊಂದು ಸಾಮಗ್ರಿ ಉಪಯೋಗಿಸುತ್ತೀವಿ , ಪೂಜೆ ಮಾಡೋ ಸಡಗರದಲ್ಲಿ ಕೆಲವೊಮ್ಮೆ ಒಂದೆರಡು ಸಾಮಾನು ಮರೆಯುವ ಸಾಧ್ಯತೆಗಳು ಇದೆ :) ಹೀಗೆ ಆಗದೆ ಇರಲಿ ಅಂತ ಪೂಜಾ ಸಾಮಾನುಗಳ ಒಂದು ಪಟ್ಟಿಯನ್ನು ಮಾಡಿದ್ದೀನಿ.

ಸಾಮನ್ಯವಾಗಿ ಎಲ್ಲ ಪೂಜೆಗಳಿಗೂ ಉಪಯೋಗಿಸುವ ಸಾಮಗ್ರಿಗಳು:

• ರಂಗೋಲಿ, ಮಣೆ / ಮಂಟಪ
• ದೇವರ ವಿಗ್ರಹ, ದೇವರ ಪಟ
• ನಂದಾ ದೀಪ, ದೀಪದ ಕಂಭ, ತುಪ್ಪ, ಎಣ್ಣೆ, ದೀಪಕ್ಕೆ ಹಾಕುವ ಹತ್ತಿ ಬತ್ತಿ
• ಘಂಟೆ, ಪಂಚಪಾತ್ರೆ, ಉದ್ದರಣೆ, ಅರ್ಘ್ಯ ಪಾತ್ರೆ, ನೀರು
• ಪೂಜಾ ವಿಧಾನ ಇರುವ ಪುಸ್ತಕ /ಕ್ಯಾಸೆಟ್ / ಸಿ.ಡಿ.
• ಅರಿಶಿನ, ಕುಂಕುಮ, ಮಂತ್ರಾಕ್ಷತೆ
• ಶ್ರೀಗಂಧ, ಊದಿನ ಕಡ್ಡಿ
• ಹೂವು, ಪತ್ರೆ, ಗೆಜ್ಜೆ ವಸ್ತ್ರ
• ಪಂಚಾಮೃತ - ಹಾಲು, ಮೊಸರು, ಸಕ್ಕರೆ, ತುಪ್ಪ, ಜೇನುತುಪ್ಪ
• ವೀಳ್ಯದ ಎಲೆ, ಅಡಿಕೆ, ಹಣ್ಣು , ತೆಂಗಿನಕಾಯಿ
• ನೈವೇದ್ಯ - ಪಾಯಸ, ಹುಗ್ಗಿ, ಅನ್ನ, ಕೋಸಂಬರಿ , ಇತ್ಯಾದಿ
• ಹಲಗಾರತಿ, ಕರ್ಪೂರ, ಮಂಗಳಾರತಿ ಬತ್ತಿ
• ಆರತಿ ತಟ್ಟೆ, ಸೊಡಲು, ಹೂಬತ್ತಿ,

ಕೆಲವು ಪೂಜೆಗಳಲ್ಲಿ ಅಧಿಕವಾಗಿ ಇನ್ನಷ್ಟು ಸಾಮಗ್ರಿಗಳನ್ನು ಉಪಯೋಗಿಸುತ್ತೀವಿ :

• ಕಳಶ, ಅರಿಶಿನದ ಕೊನೆ, ಜನಿವಾರ, ಅರಿಶಿನ ದಾರ
• ಮರದ ಜೊತೆ / ಬಾಗಿನ
• ಬಳೆ, ಬಿಚ್ಚೋಲೆ, ಕನ್ನಡಿ, ಕಪ್ಪು, ರವಿಕೆ ಬಟ್ಟೆ
• ಸೋಬಲಕ್ಕಿ, ಉಪಾಯನ ದಾನ
• ನವಗ್ರಹ ಮಂಡಲ ......ಇತ್ಯಾದಿ
  

ಇವುಗಳೊಂದಿಗೆ ಇನ್ನು ಹಲವಾರು ವಸ್ತುಗಳ ಬಳಕೆ ಮಾಡಬಹುದು ಮುಖ್ಯವಾಗಿ ಅಲಂಕಾರ ಮಾಡುವುದಕ್ಕೆ. ಮಾರುಕಟ್ಟೆಯಲ್ಲಿ ಅನೇಕ ವಿಧವಾದ ಅಲಂಕಾರಿಕ ಸಾಮಾನು ದೊರೆಯುತ್ತದೆ . ಇದು ಪ್ರತಿಯೊಬ್ಬರ ಆಸಕ್ತಿ ಮತ್ತು ಅಭಿರುಚಿ ಮೇಲೆ ಅವಲಂಭಿಸಿದೆ.

Related Links:

Navagraha Dhanya

Marada jothe Baagina

Baagina / Marada jothe / ಬಾಗಿನ / ಮೊರದ ಜೊತೆ /

ನಾವು ಮಾಡುವ ಪೂಜೆ, ವ್ರತಗಳಲ್ಲಿ ಬಾಗಿನ ಕೊಡುವ ಪದ್ಧತಿ ಇದೆ. ದೇವಿಗೆ ಮಾಡುವ ಪೂಜೆಗಳಲ್ಲಿ ಇದು ಸಾಮಾನ್ಯ. ಬಾಗಿನವನ್ನು ಮರದ ಜೊತೆಯಲ್ಲಿ ಇಟ್ಟು ಕೊಡುತ್ತಾರೆ.

ಬಾಗಿನದ ಸಾಮಾನುಗಳ ಪಟ್ಟಿ ಇಲ್ಲಿದೆ:

• 1 ಜೊತೆ ಮೊರ - ಮೊರಕ್ಕೆ ಅರಿಶಿನ , ಕುಂಕುಮ ಹಚ್ಚಿ
• ಧಾನ್ಯಗಳು - ಅಕ್ಕಿ, ಕಡಲೆಬೇಳೆ, ತೊಗರಿಬೇಳೆ, ಹೆಸರುಬೇಳೆ, ಉದ್ದಿನಬೇಳೆ, ರವೆ
• ಬೆಲ್ಲದ ಅಚ್ಚು,ಉಪ್ಪು,ತೆಂಗಿನಕಾಯಿ,ಹಣ್ಣು
• ಬಳೆ, ಬಿಚ್ಚೋಲೆ, ಕನ್ನಡಿ, ಕಪ್ಪು, ಬಾಚಣಿಗೆ
• ವೀಳ್ಯದ ಎಲೆ , ಅಡಿಕೆ, ದಕ್ಷಿಣೆ, ಅರಿಶಿನ , ಕುಂಕುಮ, ರವಿಕೆ ಬಟ್ಟೆ

ದೇವಿಗೆ ಕೊಡುವ ಬಾಗಿನದಲ್ಲಿ ಮೇಲೆ ಹೇಳಿರುವ ಸಾಮಾನುಗಳ ಜೊತೆಗೆ ಪೂಜಾ ಸಾಮಗ್ರಿಗಳನ್ನು - ಗೆಜ್ಜೆವಸ್ತ್ರ, ಶ್ರೀಗಂಧ, ಊದಿನ ಕಡ್ಡಿ, ಇತ್ಯಾದಿ ಇಡುತ್ತಾರೆ. ಸ್ವರ್ಣ ಗೌರಿ ವ್ರತ, ಮಂಗಳ ಗೌರಿ ವ್ರತ, ಮಾರ್ಗಶಿರಮಹಾಲಕ್ಷ್ಮಿ ವ್ರತ, ಸಿರಿಯಾಳ ಷಷ್ಠಿ ಮುಂತಾದ ಪೂಜೆಗಳಲ್ಲಿ ಬಾಗಿನ ಕೊಡುತ್ತಾರೆ. ಮೊರದ ಜೊತೆ ಬಾಗಿನವನ್ನು ಸುಮಂಗಲಿಯರಿಗೆ ಕೊಟ್ಟು ಆಶೀರ್ವಾದ ಪಡೆದುಕೊಳ್ಳುವ ಪದ್ಧತಿ ಇದೆ.

ನಮ್ಮ ಮನೆ ಮೊರದ ಜೊತೆ ಬಾಗಿನ

ಸಾಮಾನ್ಯವಾಗಿ ಎಲ್ಲ ಸಾಮಾನುಗಳನ್ನೂ ದೊಡ್ಡ ಮೊರದ ಒಳಗೆ ಇಟ್ಟು ಕೊಡುತ್ತಾರೆ. ಪರದೇಶದಲ್ಲಿರುವ ನಮ್ಮಂತವರಿಗೆ "NRI mara" ಅಂತ ಚಿಕ್ಕ ಮೊರಗಳು ಬೆಂಗಳೂರಿನಲ್ಲಿ ಸಿಗುತ್ತದೆ. ನಾನೂ ಇಂತಹದನ್ನೆ ಉಪಯೂಗಿಸಿದ್ದೀನಿ. ಈ ಚಿಕ್ಕಮೊರದಲ್ಲಿ ಎಲ್ಲ ಸಾಮಾನು ಹಿಡಿಸುವುದಿಲ್ಲ . ಹೀಗಾಗಿ ಒಂದು ದೊಡ್ಡ ಡಬ್ಬಿ ಯಲ್ಲಿ ಎಲ್ಲ ಸಾಮಾನು ಇಟ್ಟು ಬಾಗಿನ ಕೊಟ್ಟಿದ್ದಾಯಿತು:)